ماڵپه‌‌ڕی عوسمان بایده‌میر له لایه‌ن تیرۆریستانی ئه‌له‌کترۆنی تورکه‌وه هه‌ک کرا

مانشێت نیوز، باشووری کوردستان: ماڵپه‌ری "عوسمان بایده‌میر" سه‌رۆکی شاره‌وانی مه‌زنی ئامه‌د، له لایه‌ن کۆمه‌ڵێک تیرۆریستی ئه‌له‌کترۆنی تورکه‌وه، هه‌ک کرا و وه‌ک هه‌میشه ئاڵایی تورکیا و سروودی نه‌ته‌وه‌یی ئه‌م وڵاته له سه‌ر لاپه‌ره‌ی یه‌که‌می ماڵپه‌ره‌که داندرا.

تیرۆریستانی ئه‌له‌کترۆنی تورک که چاویان به خه‌باتی ئینته‌رنێتی کوردیش هه‌ڵنایه، به هه‌ڕه‌سه کردن له بایده‌میر و خاین ناوبردنی ئه‌و به هۆی جه‌خت کردنه‌وه له سه‌ر مافی کورد و چاره‌سه‌ری کێشه‌ی کورد، کۆمه‌ڵێک جنێو و قسه‌ی سووک، ئاڵایی تورکیا و ده‌نگی سروودی نه‌ته‌وه‌یی ولاته‌‌که‌شیان له سه‌ر ماڵپه‌ره‌که داناوه.

ماڵپه‌ڕی ڕاگه‌یاندنی یه‌کێتی نیشتمانی کوردستانی"پ‌یو‌ک مێدیا"ش له هه‌واڵێک دا ڕایگه‌یاندووه که له هه‌وڵێکی هه‌ک ڕزگاری بووه.

شایانی باسه که له‌ ماوه‌ی یه‌ک ساڵی ڕابردوو دا ده‌یان ماڵپه‌ڕی کوردی وه‌ک "ئاوێنه، لاوانی حدکا، هاوڵاتی، کوردیش ئینفۆ، پارله‌مانی کوردستان، ڕۆژهه‌ڵات، پارتی سه‌ربه‌ستی، له لایه‌ن تورکه‌کانه‌وه هه‌ک کرون.