تیرۆریستانی ئه‌له‌کترۆنی تورک، سێ ماڵپه‌ری پ.ک.ک‌یان هه‌ک کرد

مانشێت نیوز، ناوه‌ندی هه‌واڵ: گرووپێک هه‌کێری تورک به ناوی "سایبێر پرۆتێست تیم" له هێرشێکی تیرۆریستی ئه‌له‌کترۆنی دا سێ ماڵپه‌ری سه‌ر به پارتی کرێکارانی کوردستانیان هه‌ک کرد و توانیان بۆ ماوه‌ی چه‌ند کاتژمێر، کاری ئاسایی ماڵپه‌ره‌که، توشی کێشه بکه‌ن.

گرووپێک تیرۆریستی ئه‌له‌کترۆنی تورک به ناوی "Cyber Protest TIM" له هێرشێک دا، ماڵپه‌ری "موراد قه‌ره‌یه‌لان"، "یه‌ژاستار" و "هه‌په‌گه‌ ئۆن لاین"یان هه‌ک کرد و له لاپه‌ری سه‌ره‌کی ئه‌م مالپه‌رانه، ئاڵایی تورکیا و وتارێکی ئاتاتورک خیتاب به گه‌نجانیان دانا و کۆمه‌ڵێک جنێو و سووکایه‌تی و هه‌ره‌شه‌یان به کورد تێدا نووسی.

شایانی باسه که تیرۆریستانی ئه‌له‌کترۆنی تورک تا ئێستا ده‌یان ماڵپه‌ری کوردی بۆ وێنه، ئاوێنه، هاوڵاتی، پارله‌مانی کوردستان، لاوانی حدکا، ڕێنێسانس، ڕۆژهه‌ڵات، پارتی سه‌ربه‌ستی و هتدیان هه‌ک کردووه.

ئادره‌سی ئه‌م ماڵپه‌رانه‌ی که که‌وتنه به‌ر هێرشی دوایی تیرۆریستانی تورک:

www.muratkarayilan.com

www.yja-star.net

www.hpg-online.net

• ماڵپه‌‌ڕی عوسمان بایده‌میر له لایه‌ن تیرۆریستانی ئه‌له‌کترۆنی تورکه‌وه هه‌ک کرا
• گرووپێک تیرۆریستی ئه‌له‌کترۆنی تورک، ماڵپه‌ری په‌رله‌مانی کوردستانیان هه‌ک کرد
• ها‌كی ماڵپه‌ڕی ئه‌رته‌شی توركیا
• گرووپی هه‌کێرانی "نیشتمانپه‌روه‌ری کورد"، ماڵپه‌ڕی پارتی کۆماری گه‌لی تورکیایان هه‌ک کرد