خوێندكارانی كورد به مه‌به‌ستی پشتیوانی له عه‌دنان و هیوا، له هه‌ولێر مانیان له‌خواردن گرت

مانشێت نیوز، هه‌ولێر: كۆمه‌ڵێك خوێندكاری كورد له زانكۆكانی باشووری كوردستان به‌مه‌به‌ستی پشتیوانی له "عه‌دنان حه‌سه‌نپوور و هیوا بووتیمار" دوو ڕۆژنامه‌وانی مه‌حكووم به ئیعدامی كورد، بۆ ماوه‌ی 3 ڕۆژ، مانیان له‌خواردن گرت.

زانرا كه كۆمه‌ڵێكی 50 كه‌سی له خوێندكارانی كوردی هه‌رچوار پارچه‌ی كوردستان به مه‌به‌ستی پشتیوانی له "عه‌دنان حه‌سه‌نپوور و هیوا بووتیمار" دوو ڕۆژنامه‌وانی مه‌حكووم به ئیعدامی كورد و به‌شداری له‌ شه‌پۆلی جیهانی داكۆكی له هه‌ڵوه‌شاندنه‌وه‌ی سزای ئه‌م دوو گیراوه كورده، له هه‌ولێر و بۆ ماوه‌ی 3 رۆژ مانیان له‌خواردن گرت و له چه‌ند شاری تر، وه‌كو سلێمانی، دهۆكیش، پشتیوانی له‌م چالاكیه و به‌شداری تێدا ده‌كرێ.

خۆرهه‌ڵات نیوزیش له هه‌واڵێكی تر دا سه‌باره‌ت به هه‌مان چالاكی، باس له ده‌سپێكی مانگرتنه‌كه‌ له به‌شی ناوخۆیی زانكۆدا ده‌ستیپێكردووه‌، له به‌رده‌رگای بینای سه‌ندیكای رۆژنامه‌نووسانی كوردستان و به هه‌لدانی خێوه‌ت، درێژه‌ی هه‌یه.