ساڵح نیكبه‌خت: نه‌مگووتووه كه عه‌دنان و هیوا مه‌حكووم به سزای له‌سێداره‌دان نه‌كراون!

مانشێت نیوز، تاران: "محه‌ممه‌د ساڵح نیكبه‌خت" پارێزه‌ری، هیوا بووتیمار و عه‌دنان حه‌سه‌نپوور، ڕایگه‌یاند كه ئه‌و نه‌یگووتووه ئه‌م دوو ڕۆژنامه‌وانه كورده مه‌حكووم به ئیعدام نه‌كراون، به‌ڵكو، وتوویه‌تی تا ئێستا، حكومه‌كه‌، نه‌گه‌یشتۆته‌ ده‌ستی من و ئاژانسی فارس، چه‌واشه‌كاری كردووه.

پاش ئه‌وه‌ی ئاژانسی ئێرانی فارس، له زاری ساڵح نیكبه‌خت، پارێزه‌ری دوو ڕۆژنامه‌وانی كورد، هه‌واڵێكی له‌مه‌ر مه‌حكووم نه‌بوونی تا ئێستای عه‌دنان و هیوا گوازته‌وه، ناوبراو، پێوه‌ندی به ئاژانسه‌كه‌وه گرتووه و له‌مباره‌وه ده‌ڵێ: من نه‌مگووتووه كه هیوا و عه‌دنان، دوو ڕۆژنامه‌نووسی كورد به سزای له‌سێداره‌دان مه‌حكووم نه‌بوونه، به‌ڵكو، وتوومه كه تا ئێستا به‌ڵگه‌ی حوكمه‌كه‌، له دادگای شۆڕش ئیسلامی مه‌ریوانه‌وه‌، به ده‌ستی من نه‌گه‌یشتووه و هه‌ندێك له مێدیاكانی ده‌ره‌وه‌ش به پێی هه‌مان هه‌واڵی ناڕاست، چه‌واسه كاریان كردووه و هه‌و‌ڵه‌كه‌یان به شێوه‌یه‌كی نادروست، بڵاوكردۆته‌وه.

نیكبه‌خت ده‌ڵێ كه دوو موه‌كیله‌كه‌ی به تۆمه‌تی ڕۆژنامه‌وانی دادگای نه‌كراون و به تاوانی تر، دادگای و مه‌حكووم بوونه و هه‌روه‌ها باس له‌وه‌ش ده‌كات كه سزای موه‌كیله‌كانی توند و ناڕێك له‌گه‌ڵ داخوازی نامه‌كه‌ی دادگایه و ئه‌گه‌رچی تا ئێستا، به‌ڵگه‌ی مه‌حكوومیه‌ته‌كه‌ی به ده‌ست نه‌گه‌یشتووه‌، به‌ڵا، ته‌نیا دیوانی به‌رزی دادی ڕه‌ژیم ده‌توانێ سزاكه‌، په‌سه‌ند یا ره‌تبكاته‌وه.