| تبليغات | X |
 |
 |
|
|
مانشێت نیوز، تاران: پارێزهرانی "عهدنان حهسهنپوور" و "هیوا بووتیمار" 2 رۆژنامهوانی مهحکووم به ئیعدام و مانگرتووی کورد، نامهیهک دا بۆ "هاشمی شاهردوودی" دیسان جهخت له سهر "رۆژنامهوان نهبوونی" عهدنان و هیوا دهکهنهوه و داوای گوازتنهوهیان بۆ گرتووخانهی گشتی دهکهن. له نامهکه دا، ساڵح نیکبهخت و سیروان هوشمهندی، دوو پارێزهری عهدنان و هیوا، باس لهوه دهکهن که هیچ کام لهم گیراوانه، تۆمهتباریهکانیان پێوهندی به کاروباری ڕۆژنامهوانیهوه نیه، بهڵام مێدیاکانی دهرهوه پرۆپاگهندهی بهرفراوانیان دژ به ئێمه و وڵاتهکهمان وهرێخستووه و بۆیهش داوا دهکهن که ههردووک گیراوه مانگرتووه بۆ زیندانی گشتی ڕاگوێزرێن و "پزیشکێکی جێگهی متمانه"، بیانبێیێ. ئهمهش دهقی نامهی پارێزهرانی عهدنان حهسهنپوور" و "هیوا بووتیمار" بۆ "سهرۆکی دهزگای قهزایی ئێران": به خزمهت حهزرهتی ئایهتوڵا هاشمی شاهردووی، سهرۆکی موحتهرهمی هێزی قهزایی کۆماری ئیسلامی ئێران وێڕای ڕێز و سڵاو ههڕوهک ئاگادارن، ماوهی یهک مانگ و نیو لهمهوبهر، لقی یهکی دادگای شۆڕشی ئیسلامی مهریوان له کردهوهیهکی چاوهڕواننهکراو دا، دوو تۆمهتباری به ناوهکانی "عهدنان حهسهنپوور" و "هیوا بووتیمار"ی به تۆمهتی "محاربه - شهر لهگهڵ خودا" به سزای لهسێدارهدان مهحکووم کرد و ئهگهرچی تۆمهتباری ئهم دوو کهسه هیچ پێوهندیهکی به ڕۆژنامهوانی و بواری چاپهمهنیهوه، نهبوو، بهڵام، مێدیاکانی دهرهوه ئهم دوو کهسهیان به "رۆژنامهوان" وهسف کرد و پرۆپاگهندهیهکی بهرفراوانیان دژ به ئێمه و وڵاتهکهمان دهسپێکرد ئێمه وهکو دوو پارێزهری ئهم گیراوانه، زۆر جار به مێدیاکانی ناوخۆمان ڕاگهیاندووه که تۆمهتی ئهم کهسانه ڕۆژنامهوانی نیه و ئهگهرچی ههندێک له تۆمهتهکانمان قهبووڵه، بهڵام تاوانهکهیان ناچێته ناو خانهی "محاربه"وه و حوکمهکهی پێیان دراوه زۆر به توند و قورسی دهزانین و پارێزڤانی ئێمه له ڕووی ڕاستهقینه و ڕووداوهکانی ناو دۆسیهکه بووه، بهرانبهر پرۆپاگهندهیهکی یهکجار زۆری مێدیاکانی دهرهوه وهکو دهنگی ئهمریکا و تهلهڤزیۆنهکانی گرووپهکانی بهرههڵستتکاری ئێران بۆتهوه و بهم هۆیهش که ئێمه تهنیا کاری یاسایی دهکهین و کارمان به مهسایلی سیاسی نیه، ئهم پرۆپاگهندانهمان پێ ئاساییه و هیچ وهڵامێکمان نهداوهته و چونکه ئهرکی پارێزهر، پارێزڤانی له تۆمهتبار و گیراوه و کاری به تۆمهتباری کهس نیه و کاری سیاسیش ناکات. بهداخهوه پاش دهرچوونی سزای لهسێدارهدان بۆ تۆمهتبارهکان (عهدنان و هیوا)، یهکجێ ههردووکیان له گرتووخانهی گشتی مهریوانهوه بۆ گرتووخانهیهکی ژێر کۆنترۆڵی ئیدارهی ئیتلاعات له سنه، ڕاگوێزران و پێوهندی و ملاقات لهگهڵ بنهماڵهکانیان لێ قهدهغه کرا. ئهم دوو گیراوه، پاش گوازتنهوهیان بۆ گرتووخانهی ئیتلاعات له سنه له ڕێکهوتی 26.04.1386وه مانیان لهخواردن گرتووه و ئێستا تهنیا ئاو دهخۆنهوه و ئێمه به هاوکاری کارگێرانی ئیدارهی ئیتلاعاتی کوردستان و دادستانی سنه، توانیمان ڕۆژی 27.05.1386 ئهم گیراوانه ببینین و 1 کاتژمێر قسهیان لهگهڵ بکهین. بۆیهش له ڕهنگو ڕوخساری گیراوهکان و کزبوونی زۆریان را زانیمان که ئیدعای مانگرتن لهخواردنیان ڕاسته و مهسهلهکه له لایهن بهرپرسانی پێوهندیدارهوه پشتڕاست کراوه که عهدنان و هیوا 30 ڕۆژه مانیان لهخواردن گرتووه و ڕهوشی تهندروستیان له مهترسی دایه. وێرای ئاماژه بهمهی که خواستی ئهم دوو گیراوه تهنیا "ڕاگوازتن بۆ گرتووخانهی گشتی مهریوان یا سنهیه" و "لێکۆڵینهوه لهگهڵیان کۆتایی پێهاتووه، ئێمهش خوازیارین جهنابتان دهستوور بفهرموون که ههرچی زووتر "پزیشکانی جێگهی متمانه" کۆنترۆڵی باری تهندروستی ئهوان بکهن" و "له چوارچێوهی یاسا و ڕێساکان" خواستهکانیان جێبهجێ بکرێت. شیکردنهوهی ئهمهش به پێویست دهزانین که حهوتووی ڕابردوو، له نامهیهک دا بۆ سهرۆکی دادگوستهری کوردستان وهکو کۆمیتهی چاوهدێری و بهدواداچوونی بهڕێوهبردنی یاسا و مافی هاوڵاتی بوون، خواستی سهرهنجی ئهوانمان به یاساکان کردبوو، بهڵام کاتێک نامهکه درا به دادستانی سنه، له وتووێژێک دا لهگهڵ ئێمه ڕایگهیاند که "مانگرتن له خواردنی ئهم کهسانه گرینگی نیه" و "جگه له ئهمری هاشمی شاهروودی" کهس ناتوانێ هیچ کارێکیان بۆ بکات. جێگهی باسه که خواستی ئهم دوو کهسه (عهدنان و هیوا) تهنیا چوونیان بۆ گرتووخانهی گشتی و کهڵک وهرگرتن له ئیمکاناتی گرتووخانهکهیه و ئهمهش نه نامومکینه و نه نایاسایی. بهرپرسانی ئیدارهی ئیتلاعاتیش پێیان ڕاگهیاندووین بهم هۆکارانهی سهرهوه، و به پێی ئهنجامی ئهرکه یاسایی و میلیمان داخوازیهکانمان به عهرزی حهزرهتی واڵا مهقام دهگهیێنین پێش ئهوه قهیرانێک ڕوو بدات، کێشهکه چارهسهر بکرێت. به سپاسهوه
|
||
|
+
پنجشنبه 1 شهریور1386:
>مافی ئهم ههواڵه پارێزراوه بۆ: ئاژانسی دهنگوباسی مانشـــێت
|
||
|
|
سهبارهت به ناسنامهی وێبلاگ |
|
پڕ مهترسیدارترین و شێتانهترین بڕوا ئهوهیه که ئێمه بیر و باوهری خۆمان به تهواوی پێڕاست بێــــــــــــــــت.(پاوڵ واتیسلاویک) پێناسه، سهرنج و داواكارى: مانشێت ئاژانسێکی دهنگوباسی سهربهخۆیه که ههولى گهياندنى نوێترین و گرینگترین ههواڵهکانی کوردستان و ناوچه دهدات. مانشێت ههوڵ دهدات که زانیاری نوێ، له ڕوانگهیهکی جیاواز بگهیێنێته خوێنهران و تێدهکۆشێ دهزگایهکی ڕاگهیاندنی باوهڕپێکراوه بێت. داوامان له خوێنهرانی مانشێت ئهوهیه، که له کاتی سوود وهرگرتن له بابهت و ههواڵهکانی دا، ئاماژه به سهرچاوهی بکرێ. له گهڵ ريزى دووبارهم دا: Manşêt News Agency |
||
|
|
|
|
|
دهسپێـکی ئــاژانس پۆستی ئهلهکتڕۆنی ئهرشـــیوی ئــاژانس 
 
|
||
|
|
نووسراوهکانی پێشـــو |
|
|
آبان 1386 مهر 1386 شهریور 1386 مرداد 1386 تیر 1386 خرداد 1386 اردیبهشت 1386 فروردین 1386 اسفند 1385 بهمن 1385 دی 1385 آذر 1385 آبان 1385 مهر 1385 شهریور 1385 مرداد 1385 تیر 1385 |
||
|
|
|
|
|
POWERED BY
BLOGFA.COM 
|
||
پارێزهرانی عهدنان و هیوا نامهیهک بۆ سهرۆکی دهزگای قهزایی ئێران دهنووسن
ووه و سزادرانهکهیان وهکو سزای رۆژنامهوانی ناوزهد کردووه.
له ڕاگوازتنی ئهم دوانه به دهستووری دادستانی گشتی و ئینقلابی سنه بووه و ئیدارهی ئیتلاعات هیچ ڕۆڵێکی له گرتنیان له گرتووخانهکهی خۆی و ژووری تاکهکهسی ئهوان دا نهبووه.
