خوشکی عه‌دنان حه‌سه‌‌نپوور نامه‌یه‌کی بۆ "بان کی‌موون"ی سکرتێری گشتی UN نارد

مانشێت نیوز، مه‌ریوان: "له‌یلی حه‌سه‌نپوور" خوشکی "عه‌دنان حه‌سه‌نپوور" ڕۆژنامه‌وانی کورد که له‌گه‌ڵ هیوا بووتیمار، به سزای له‌سێداره‌دان مه‌حکووم کراوه و 50 رۆژه مانیان له‌خواردن گرتووه‌، نامه‌یه‌کی بۆ سکرتێری گشتی نه‌ته‌وه یه‌کگرتووه‌کان ره‌وانه کرد.

ئه‌مه‌ ده‌قی نامه‌ی خاتوو له‌یلی حه‌سه‌نپوور"، خوشکی عه‌دنانه:

بۆ سکرتێری گشتی نه‌ته‌وه‌یه‌کگرتووه‌کان

به‌ڕێز بان کی‌ موون

ئه‌وه بۆ ماوه‌ی 9 مانگ ده‌بێت، که دوو ڕۆژنامه‌نووسی چالاک به ناوه‌کانی عه‌د‌نان حه‌سه‌نپوور، که برای منه و دۆست و هاوپیشه‌که‌ی "هیوا بووتیمار"، له لایه‌ن ده‌سه‌ڵاتدارانی دادگای شۆڕشی ئیسلامیه‌وه به تۆمه‌تی پێشخستنی کرده‌وه و بیرۆکه‌ی دژه شۆڕش و به بێ به‌ڵگه ده‌ستگیر کراون.

شایانی باسه، به‌س کورد بوونی ئه‌و دوو که‌سه بۆته هۆی ئه‌وه‌ی که بریاری نامرۆڤانه‌ی "سزای له‌سێداره‌دان"یان بۆ ببڕدرێته‌وه. سه‌ره‌ڕای ئه‌وه‌ش ئه‌م دوو ڕۆژنامه‌نووسه 40 ڕۆژ له‌مه‌وه‌پێس له گرتووخانه‌ دا مانیان له‌خواردن گرتووه و  له‌وانه‌یه‌ به تێپه‌ربوونی هه‌ر چرکه‌یه‌ک، ئه‌ و دووانه ڕووبه‌ڕویی مردنێکی خه‌مناک ببنه‌وه. دادگای باڵای ئێران سه‌ره‌ڕای گووشاری فراوانی نێونه‌ته‌وه‌یی، سه‌باره‌ت به‌و بابه‌ته‌ هه‌ڵوێستێکی نه‌بووه و تا ئێستاش بێده‌نگی هه‌ڵبژاردووه.

ئێمه به‌س ویستوومانه ئێوه‌ به دژواری بابه‌ته‌که بزانن و هه‌روه‌ها له ڕاستیدا بۆ ئێمه‌ش مایه‌ی ڕامان ده‌بێت که ئێوه‌ ده‌توانن له زووترین کات دا شتێک له‌مباره‌وه ئه‌نجام بده‌ن.

له‌گه‌ڵ ڕێزی فراوانمدا

له‌یلێ حه‌سه‌نپوور