| تبليغات | X |
 |
 |
|
|
مانشێت نیوز، ئهورووپا: نارهزایانی ناو ڕیزهکانی کۆمهڵه که خۆیان به "ڕهوتی چاکسازی" پێناسهدهکهن، له بهیاننامهیهکی نووسراو دا به توندی هێرشیان کردۆته سهر "حیزبی حیکمهتیست" و جهماعهتهکهیان و به "کوندهبۆ" و "دژ به کورد" و "سهرلێشێواو" وهسفکرد. ئهمهش دهقی بهیاننامهی رهوتی چاکسازی و گهشهی کۆمهله: راگهیاندنى رههبهریى رهوتى چاکسازى و گهشهى کۆمهڵه سهبارهت به پروپاگاندهى دوژمنکارانهى جهماعهتى حیکمهتیست ماوهیهکه به هۆى کێشه ناوخۆییهکانى کۆمهڵهوه نهیارانى جۆراوجۆرى کۆمهڵه کهوتونهته کار تا قینى پهنگ خواردوى له مێژینهیان دژ به کۆمهڵه و رهوتى ساغکردنهوهى کۆمهڵه ههڵرێژن. له ناو ئهوانهدا جهماعهتى حیزبى کومۆنیستى کرێکارى حیکمهتیست، به یهکجارى شویان لێههڵکێشاوه و ههموو سنورێکى ئهخلاق و سیاسهتیان بهزاندوه و بێزارى زۆرى خهڵکیان ههڵخراندوه. جیا لهوهى درۆ و دهلهسهى ههڵبهستراو و باوهرپێنهکراو لهمهڕ چونیهتى کێشهکانى ناو کۆمهڵه بڵاو دهکهنهوه، لایانوایه که ههلیان بۆ ههڵکهوتوه تا لهم دهرفهتهدا دوژمنایهتى دێرینهى خۆیان بهرانبهر به بزاڤى عهداڵهتخواز و رزگاریخوازانهى کوردستان ئاشکراتر له جاران دهرببڕن. ئهو نهیارانهى خهڵکى کوردستان زۆر ساویلکانه دهستیان کردوه به شاییلوغان و شادى و پێیانوایه بهمجۆره دهتوانن له بێئابروویى خۆیان کهمکهنهوه و لهو ههلهدا چزى ژههراوییان بگهیهننه جهستهى رهوتى کۆمهڵه. ئێمه پێمانوایه ئهو کێشه ناوخۆییانهى ئێستا و تهشهنهکردن و پهرهگرتنى، بێگومان خهسارێکن بۆ کۆمهڵه. ههر بۆیهش حهولى خۆمان خستۆته گهڕ تا کورد کوتهنى "زهرهر له نیوهدا" بگێرینهوه و تا ئهو جێگایهى به ئێمه مهربوته، مهودا و زهمانێک وهدهست بێنین و ئیمکانێک برهخسێنین تا بتوانین پێکهوه ژیان و یهکریزى ناو کۆمهڵه به میکانیسمێکى گونجاو دابین کهینهوه یان لانیکهم جۆرێک پێکهوه کارکردن دابین بکهین. بهڵام سهبارهت بهو ئاژیتاسیونه قیناوییهى ئهو جهماعهته، دڵنیاین خهڵکى کوردستان ئهوهندهى بهم بارودۆخهى ئێمه نارهحهتن و خهمى پێدهخۆن، سهد ئهوهنده نهفرهت دهنێرن بۆ ئهو شاییلوغان و دوژمنکارییهى حیکمهتیستهکان. گومانمان نییه ئهو تاقمه سهرلێشیواو و تهریک کهوتهیه بهو کارانهیان ههر ریسوایى زۆرتر بۆخۆیان مسۆگهر دهکهن و بهس. کێ ههیه نهزانێ ئهو جهماعهته ههر ئهوانهن که له رۆژانى رهشى ئهنفال له کوردستانى عیراق و دهورانى شکستى نیزامى پێشمهرگهى کوردستانى ئێران، سهریان ههڵدا و وهک کوندهبوو له سهر ویرانه خوێندیان. ئهوانه دژى راپهڕینى گهلى کورد له کوردستانى عیراق وهستانهوه و چییان بۆ بهدناو کردنى پێکرا، درێغییان نهکرد. له کۆڕهوهکهدا دهستیان کرد به دڵساردکردنهوهى خهڵک، تا رۆژانى ئاخریش دژى ئاخێزهکهى هاوینى 84 کوردستانى ئێران ههڵوێستى نهیارانهیان ههبوو و گاڵتهیان پێدهکرد. ئهوانهى که جیا له تێکدهرى و ئاژاوه له ناو بزوتنهوهى چهپ و ئازادیخوازانهى ئێراندا، پێناسهیهکى تریان نییه، چۆن دهتوانن و له رویان ههڵدآ ورتهیان لێبآ؟ با ئاورێک له رابردوى 18 ساڵهى خۆیان بدهنهوه تا ببینن چیان بهسهر هات، بهڵکوو دهرسێک وهربگرن و بزانن خهڵک به هاسان حافیزهیان کوێر نابێتهوه. با جارێکى دیکه ههموو ئهو نهیاره دڵرهشانهى دژ به چهپى کوردستان و کۆمهڵه و بزوتنهوهى گهلى کورد خاترجهم بکهینهوه که ههموو ئاڵقهى کۆمهڵه، سهرهراى گرفتى ناوخۆیى و کهندوکۆسپى رێگایان، بۆ ههتاههتایه ئهوانه وهک رهوتێکى دژ به ئازادیخوازى دهناسن و ههر ئاواشیان ههڵسوکهوت لهگهڵ دهکهن. ئێمه له ههموو لایهنگر و دۆستانى کۆمهڵه و بزوتنهوهى کوردستان داوا دهکهین که ئهو سهرلێشیواوه تهریک کهوته و دڵرهشانه و رابوردویان بناسێنن و له ناو خهڵکدا ریسواتریان بکهن. رههبهریى رهوتى چاکسازى و گهشهى کۆمهڵه |
||
|
+
سه شنبه 13 شهریور1386:
>مافی ئهم ههواڵه پارێزراوه بۆ: ئاژانسی دهنگوباسی مانشـــێت
|
||
|
|
سهبارهت به ناسنامهی وێبلاگ |
|
پڕ مهترسیدارترین و شێتانهترین بڕوا ئهوهیه که ئێمه بیر و باوهری خۆمان به تهواوی پێڕاست بێــــــــــــــــت.(پاوڵ واتیسلاویک) پێناسه، سهرنج و داواكارى: مانشێت ئاژانسێکی دهنگوباسی سهربهخۆیه که ههولى گهياندنى نوێترین و گرینگترین ههواڵهکانی کوردستان و ناوچه دهدات. مانشێت ههوڵ دهدات که زانیاری نوێ، له ڕوانگهیهکی جیاواز بگهیێنێته خوێنهران و تێدهکۆشێ دهزگایهکی ڕاگهیاندنی باوهڕپێکراوه بێت. داوامان له خوێنهرانی مانشێت ئهوهیه، که له کاتی سوود وهرگرتن له بابهت و ههواڵهکانی دا، ئاماژه به سهرچاوهی بکرێ. له گهڵ ريزى دووبارهم دا: Manşêt News Agency |
||
|
|
|
|
|
دهسپێـکی ئــاژانس پۆستی ئهلهکتڕۆنی ئهرشـــیوی ئــاژانس 
 
|
||
|
|
نووسراوهکانی پێشـــو |
|
|
آبان 1386 مهر 1386 شهریور 1386 مرداد 1386 تیر 1386 خرداد 1386 اردیبهشت 1386 فروردین 1386 اسفند 1385 بهمن 1385 دی 1385 آذر 1385 آبان 1385 مهر 1385 شهریور 1385 مرداد 1385 تیر 1385 |
||
|
|
|
|
|
POWERED BY
BLOGFA.COM 
|
||
ڕهوتی چاکسازی کۆمهڵه به توندی هێرش دهکاته سهر جهماعهتی حیکمهتیست